Blagettenkünstler: Rico Fischer
Blagette-Värs
E Stadtpark mit Schaarm und Sääge,
z’Mitz im Dorf und super glääge
Kinder und Erwaggseni wärde Stunde gniesse,
villicht duet jo no e Brunne mit früsch Wasser fliesse
E Büüvette mit Geträngg und guete Sache,
friisch vom Begg oder sälber bache
E schöns Bänggli, eifach zum Tschille
und e Füürschtell zumene Klöpfer grille
Fääderball schpiile, Schutte und Keegle,
aber bitte halt Di an d’Ruehestöörigs-Reegle
Mir wänn gärn e Zoone für Jung und Alt
Fyyr Tourischte, wo bi uns mache e Halt
Villicht, wenn de ganz guet duesch loose,
wird e Faasnachtsgeischt, e Märschli bloose
E Waggis isch sicher au no neume umme
und die alti Dante duet e Fasnachtsliedli summe
Dört wo einscht villi Trääne sinn gflosse,
wird Lääbe sy und dr Alltag anderscht gnosse
Dangge dr Stadt vo dämm Konzäppt und däre Idee
Ändligg e Flägg, wo mir kei Hoochhuus mien gseh.
Heebet vor Auge, dass mir dörfe mitgschtallte,
Fraue, Männer, d’Kinder, die junge und alte
Super Sach, eifach mega mässig, super sagg stark
Rynach bekunnt ändligg, sy eigene Park